Mali er landlukt ríki í miðri Vestur-Afríku, 1.240.192 km² að flatarmáli.  Norðan þess er Alsír, Níger og Burkina Faso í austri, Fílabeinsströndin og Guinea í suðri og Senegal og Máritanía í vestri.

Höfuðborgin er Barnako.  Landið var hluti af Frönsku Vestur-Afríku frá 1898 en fékk sjálfstæði 1960.  Á þessu tímabili var landið þekkt undir nafninu Franska-Súdan.  Núverandi nafn, sem var tekið upp eftir að sjálfstæði fékkst, er dregið af nafni forns stórveldis og keisaradæmis við mið- og efri hluta Nígerárinnar.  Þar réðu Malinke (Mandingo) ríkjum frá 13. til 16. aldar.