Ekvador er ríki í norðvestanverðri Suður-Ameríku, 269.178 km² að flatarmáli.  Hluti þess er í Andesfjöllum og Amasónlægðinni.  Miðbaugur liggur um það og af honum dregur það nafn sitt.  Kólumbía er í norðri, Perú í austri og suðri og Kyrrahafið í vestri.  Galápagoseyjar (Archipiélago de Colón) tilheyra Ekvador.

Landið er fremur lítið á mælikvarða ríkja í Suður-Ameríku, þar af  261.186 km² á meginlandinu.  Landamærin við Perú voru ákveðin með samningum í Rio de Jaineiro árið 1942 en Ekvador hefur ætíð hafnað þeirri lausn, þannig að stjórnir landsins hafa ekki merkt þau í samræmi við þessa niðurstöðu.  Höfuðborgin er Quito í Andesfjöllum í miðnorðurhluta landsins.