Landslagið er prýtt fjallgörðum og hásléttum með forkambrískum berggrunni, sem myndar eystri jaðar Sigdalsins mikla.  Fjöllin rísa hæst í Heha-fjalli (2760m), sem er hæsta fjall landsins.  Mjór Imbo-dalurinn í norðvesturhlutanum teygist til suðurs frá Súanda að Tanganyika-vatni og um hann rennur Rusizi-áin á landamærunum að Kongó.  Sunnar og vestar, meðfram strandlengju Tanganyika-vatns hækkar landið bratt upp í 2600 m og myndar vatnaskilin að Níl.  Austan skilanna hallar hásléttunum smám saman til suðausturs niður í 1500-2000 m.  Ruvyironza-áin sker þær til norðausturs.  Nokkrir dalir og grunn stöðuvötn liggja að landamærunum að Rúanda.