Senegal
er ríki vestast í hitabelti Afríku, 196.722 km² að flatarmáli.
Norðan- og norðaustan þess er Senegaláin, sem skilur það frá
Máritaníu. Austan landamæranna
er Mali, sunnan þeirra eru Guinea-Bissau og Guinea og í vestri er
Atlantshafið. Senegal fékk
sjálfstæði 1960 og varð hluti af skammlífu Mali-sambandinu. Síðan hefur það verið sjálfstætt ríki og mesti
framleiðandi jarðhnetna í heimi. Loftslagið
er vel fallið til ræktunar, s.s. hirsis og sykurreyrs.
Stjórn
efnahagsmála er velskipulögð en henni er beitt á hógværan hátt.
Stuðlað er að þátttöku erlendra fjárfesta í uppbyggingu
atvinnulífsins.
Fjárfesting
í landinu fylgja skattaívilnanir og heimildir til að ráðstafa hagnaði
að vild. Stjórnir landsins
hafa forðast þjóðnýtingaraðferðina og hafa selt mörg fyrirtæki,
sem voru ríkisrekin. Efnahagsstefnan
er hliðholl frumkvæði einstaklinga, jafnvel í framleiðslu og sölu
jarðhnetna. Landið er í
Frankasambandinu og á því aðgang að fjárhagslegum stuðningi Frakka.
Íbúafjöldi landsins 2001 var rúmlega 9 miljónir.
Höfuðborg þess er Dakar og opinbert tungumál er franska. |