Sviss,
Flag of Switzerland

Meira . . .

SVISS


.

.

Utanríkisrnt.

Sviss er 41.295 km² og íbúafjöldinn u.þ.b. 3,6 milljónir, þar af tæp milljón útlendinga.  Mótmælendur eru 47,7% og katólskir 49,7%.  65% þjóðarinnar er þýzkumælandi, 18,1% talar frönsku, 12% ítölsku og 0,8% retórómönsku.  Landið skiptist í 26 kantónur (þar af 6 hálfkantónur: Appenzell-Ausserrhoden, Nidwalden, Appenzell-Innerrhoden, Baselland, Baselstadt, Obwalden).  Sviss hefur verið hlutlaust frá 1516. Confoederatio Helvetica (CH) er hið opinbera (latneska) nafn Sviss.  Nafnið Sviss er dregið af nafni kantónunnar 'Schwyz' og náði áður aðeins yfir miðhluta landsins, þ.e. þrjár upprunalegu kantónurnar Uri, Schwyz og Unterwalden, sem tengdust bandalagi (Rüthlischwur) við vestanvert Vierwaldstätter-vatn 1291.  Þjóðfáninn er rauður ferningur með hvítum krossi.

Sviss liggur að fimm löndum:  Frakklandi, Þýzkalandi, Lichtenstein, Austurríki og Ítalíu.  Lengd landamæranna er 1.882 km.

Landfræðileg skipting: 
Alpar 60%, miðhálendið 30% og Jura 10%.  Engi og úthagar eru 46%, skógar 25%, akrar 6% og fjalllendi 23%.  Nýting lands er 77% (þéttbýli og/eða ræktað land) og óræktað fjalllendi er 23%, sem er vinsælt og eftirsótt meðal ferðamanna og náttúruunnenda.  Hæsti tindur Sviss er Dufour, 4.634 m, í Monte Rosa (Vallis) en lægsti punkturinn er í Lago Maggiore (Tessin), 193 m.  Hæsta byggða ból er þorpið Juf í hádal Avers (Graubünden) í 2.126 m hæð yfir sjó.
.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM