Kúba tilheyrir Stóru-Antilleyjum og er hluti hins svokallaða Áveðurseyjaklasa.  Þar er eitt fárra alþýðulýðveldia, sem eftir eru í heiminum.  Flatarmálið 110.860 km², íbúafjöldinn er að nálgast 12 milljónir, höfuðborgin er Havana og tungumálið er spænska. Áætlunar- og leiguflug frá Köln/Bonn, Frankfurt/Main, Berlin-Schönefeld, Prag, París, Madrid, Mexíkóborg, Montreol og Toronto (Kanada) til Havanna.  Einnig eru oft leiguflug frá Íslandi, München og Düsseldorf (til Havanna eða Varadero).  Innanlands er flogið milli Havana og Nueva Gerona (Isla de la Juventud), Varadero, Camagüey, Holguin og Santiago de Cuba.

Skemmtiferðaskip á ferð um Karíbahaf hafa margra daga dvöl í Havana.  Hægt er að komast með flutningaskipum frá mörgum evrópskum höfnum (Rostock, Rotterdam, Antwerpen) til Havana. Sykureyjan Kúba hefur verið áberandi í heimspólitíkinni síðan Fidel Kastró komst til valda árið 1959 (1. jan.).  Þessi stærsta Antilleyja (Windwardeyja = Áveðurseyja) er meðal áhugaverðustu áfangastaða á Karíbasvæðinu  á margan hátt.

Kúba var síðasta vígi spænsku nýlenduherranna í Ameríku.  Eftir sigur Kastrós varð hún fljótlega sósíalískt alþýðulýðveldi, lengi vel hið eina í Vesturheimi, e.t.v. vegna vanhugsaðra viðbragða BNA, þegar Che Guevara, iðnaðarráðherra Kastrós takmarkaði eignarhald lands á Kúbu (hámark 1000 ekrur á einni hendi).  Fram til ársins 1959 hafði engin önnur Karíbaeyja nánari tengsl og viðskipti við Bandaríkin en Kúba og Bandaríkjamenn sóttu meira þangað í sumarleyfum sínum en til annarra Karíbaeyja.
.